धनगढीः कैलालीमा मोटरसाइकलको ठक्करबाट दुई जना महिला घाइते भएका छन्। जिल्लाको बर्दगोरीया गाउँपालिका–४ निमाबोझीमा बर्दगोरीया–५ का दिपु चौधरीले चलाएको से ५ प ६३७१ नम्बरको मोरसाइकल र घोडाघोडी नगरपालिका–३ का विक्रम विष्टले चलाएको सुदूरपश्चिम प्रदेश ०१० प ५५३१ नम्बरको मोटरसाइकल एक आपसमा ठोक्किँदा दुर्घटना भएको प्रहरीले जनाएको छ।
उक्त दुर्घटनामा चालक दुबै जना सकुशल छन् भने पछाडि सवार रहेका दुई महिला घाइते भएका छन्। घाइते हुनेमा बर्दगोरीया–५ का ममता थारु र घोडाघोडी–२ का कल्पना बोहरा रहेका छन्। उनीहरुको घोडाघोडी अस्पताल सुखडमा उपचार भइरहेको छ।
प्रतिकृया दिनुहोस्