१३ भाद्र २०८२, शुक्रबार १०:५९
उषा किरण ज्योती
कैलालीको कैलारी गाउंपालिका वडा नम्बर ३ की सकुन्तला चौधरीले सुदुरपश्चिम महोत्सवबाट एकलाख बढीको व्यवसायीक कारोबार गरेकी छिन् । उनले गाउंबस्तिमा पाईने घांसबाट बिभिन्न वस्तु भनाएर व्यापार गरेकी हुन् । मंसिर २२ गतेबाट धनगढी १ मा सञ्चालित महोत्सवमा आफुले उत्पादन गरेका सामाग्रीले सोचे भन्दा बढीको आर्थिक कारोबार गर्दा निकै हर्षित् भईन् । उनको पालिकामा ६ महिना अगाडी लघुवित्त केन्द्रले निशुल्क तालिम दिएपछि उनी पनि सो तालिम लिन ईच्छुक भईन् । करिब एक महिना तालिम लिएपछि उनले एक वस्तु बनाउन सिईन् । समुह अन्र्तगत पर्ने तालिममा ८ जनाले सहभागिता जनाए । सबैलाई एउटा एउटा वस्तु तयार पार्ने सिप सिकाईयो । ८ जनामध्ये ६ जना मिलेर तालिम पश्चात् गाउंमै पसल थापेर बसे । शुन्य लगानीबाट शुरु गरियको व्यवसाय अहिले फस्टाउंदै गईरहेको सकुन्तला बताउंछिन् ।
उनीहरु ६ जना मिलेर आफुले सिकेको सिप एकअर्कालाई सिकाउंछन् । अहिले घांसबाट बन्ने सबै प्रकारका वस्तु उनीहरुलाई बनाउंन आउंछ । उनीहरुले टोपी,टोकरी,फुलदानी,झोला लगायत बिभिन्न प्रकारका वस्तुहरुको बिक्री बितरण गर्दै आईरहेका छन् । अहिले सुदुरपश्चिम महोत्सवले झन उद्यमीहरुलाई स्टलमार्फत् बजार दिंदा उनीहरुलाई निकै सहज बन्यो । उनीहरुले बनाएका सामाग्रीको निकै माग भयो तर,माग अनुसारको पुर्ती गर्न सकेकनन् । उनीहरुले घांसबाट बनेका सामाग्रीको यती धेरै माग हुन्छ भन्ने सोचेका पनि थिएनन् ।
सकुन्तला संयुक्त परिवारमा बस्ने थारु समुदायकी उद्यमी महिला हुन् । धनगढी उपमहानरपालिकाले शनिबारे मेला प्रत्येक शनिबार गर्ने गरेको छ । जसमा यहांका उद्यमी महिलाहरुले आफैं तयार पारेका वस्तु बिक्री बितरण गर्ने स्थान दिएको छ । यस्तै अवसर र बजार आफ्नो पालिकामा पनि भईदिए निकै सहज हुने उनी बताउंछिन् । सकुन्तला आफ्ना समुदायका महिलाहरुका अगाडी एक दक्ष उद्यमी बन्न सफल भएकी छिन् । अहिले उनको परिवार उनीदेखी निकै शुखी छन् । आफ्नो खर्च र परिवारको जोहो आफ्नै दममा माथि उस्काईरहेकी छिन् । सप्तरंगी हस्तकला उद्योगको नामले परिचित समुहका महिलाले तयार पारेको सामाग्री काठमान्डौसम्म माग हुंदै आईरहेको छ । रोजगारी छैन भन्दै बिदेशीनेहरुका लागी उदाहरणिय पात्र भएकी छिन् । आफ्नो व्यवसायलाई थप निरन्तरता दिन सरकारले बजारीकरण गनुपर्ने सकुन्तला बताउंछिन् । ग्राहकहरुको मागलाई मध्यनजर गर्दै आगामी दिनमा ठुलो पसल थाप्ने बिचार सकुन्तलाको समुहले गरेको छ ।
प्रतिकृया दिनुहोस्