१ असार २०८१, शुक्रबार १७:३३
धनगढी । एसईई आइडल सिजन ३ को फाइनलको तयारी पुरा भएको छ । प्रभात मिडिया एण्ड इभेण्ट प्रालिले आयोजन गरेको एसईई आइडल सिजन ३ को फाइनल भोलि असार १ गते धनगढीको ओम प्यालेसमा आयोजना हुदैँ छ ।
फाइनल समारोहको उद्घाटन सुदूरपश्चिम प्रदेशका मूख्यमन्त्री दीर्घ सोडारीले गर्ने तय भएको छ । वि.स २०८० सालमा एसईई परिक्षा दिएका सुदूरपश्चिम प्रदेश भरिका विद्यार्थीहरुको सहभागिता रहेको एसईई आइडलमा नृत्य र गायन विधामा संचालन गरिएको थियो । प्रदेशका विभिन्न विद्यालयमा ३० वटा अडिसन सम्पन्न गरि फाइनल अडिसनका लागि गायन विधिमा १७ र नृत्य विधामा १६ जना विद्यार्थीहरु छनोट भएका छन् ।
भोलि हुने फाइनल अडिसनमा नृत्य तर्फ र गायन तर्फका विजेताले ५०र५० हजार सहित मेडल,ट्रफी पाउने जनाइएको छ । त्यसैगरि दुवै विधाका उपविजेताले २५/२५ हजार सहित मेडल ट्रफी पाउने आयोजन प्रभात मिडिया एण्ड इभेण्ट प्रालिका अध्यक्ष प्रकाश छेडालले जानकारी दिए ।
नृत्य र गायन विधामा विजेता,उपविजेता सहित सान्त्वना स्थान प्राप्त गर्ने प्रत्येक विधाका ६ जना विद्यार्थीले कक्षा ११ र १२ मा छात्रवृत्ति पाउने जनाइएको छ ।
प्रतिकृया दिनुहोस्