हावाहुरीले धनगढी वितरण केन्द्र अन्र्तगत ६०ओटा विद्युत पोल ढल्दा विद्युत अवरुद्ध

---

धनगढी । बुधबार साँझ पानीसगै आएको हावाहुरीका कारण ६० ओटा बिद्युतका पोल ढलेका छन् । नेपाल बिद्युत प्रधिकरण धनगढी बितरण केन्द्र अन्तरगत ६० ओटा बिद्युतका पोल ढलेका हुन् ।

धनगढी उपमहानरपालिकाको वडा नम्बर ७,१०,१२,१८ र चौमला क्षेत्रमा गरी ६० पोलमा क्षति भएको बिद्युत प्राधिकरण धनगढी वितरण केन्द्रले जनाएको छ । विद्युतका पोल ढलेको स्थानमा हिजो देखि नै बिद्युत सेवा अबरुद्ध भएको छ । जसका कारण स्थानीय समस्यामा परेका छन् ।

बिद्युतका पोल ढलेका स्थान बाहेक अन्य स्थानमा बिद्युत सेवा आपुर्ती गर्ने काम भईरहेको बिद्युत प्रधिकरण धनगढी बितरण केन्द्रका प्रमुख मिथलेश कुमार गोहीवारले बताए । बिद्युतका पोल ढलेका स्थानहरुमा भोली साँझ सम्म विद्युत सेवा सुचारु हुने प्रमुख गोहीवारले जानकारी दिएका छन् ।