एलाइन्स मोडेल स्कुलद्वारा कक्षा १२ का विद्यार्थीका लागि छात्रवृत्ति आह्वान

---

धनगढी । धनगढीको एलाइन्स मोडेल स्कुलले कक्षा १२ मा अध्ययनरत विद्यार्थीहरुका लागि छात्रवृत्ति आह्वान गरेको छ । विद्यालयले साउन २ गते एक सुचना जारी गर्दै साउन ५ गतेदेखि १५ गतेसम्म छात्रवृत्ति फारम भर्न सकिने जानकारी दिएको छ ।

एलाइन्स इन्टरनेसनल मोडेल स्कुलमा कक्षा १२ मा अध्ययनरत विद्यार्थीहरुले तोकिएका ७ वटा मापदण्ड भित्र रहेर छात्रवृत्ति फारम भर्न सक्नेछन् । छात्रवृत्ति वापतको रकमलाई कक्षा १२ को दोस्रो र तेस्रो किस्तामा समान रुपमा वितरण गरिने सूचनामा उल्लेख गरिएको छ ।

विद्यालयले हरेक बर्ष कक्षा १२ मा अध्ययनरत मेहनती,जेहनदार,अनुशासित,दलित,जनजाती,गरिब,विपन्न तथा अभिभावक विहिन विद्यार्थीहरुलाई पढाई प्रति उत्प्रेरित गर्ने उद्देश्यले छात्रवृत्ति प्रदान गर्दै आएको छ । विद्यार्थीहरुलाई छात्रवृत्ति वितरणका लागि तोकिएका मापदण्डहरु यस्ता छन् ।

१.कक्षा १२ मा भर्ना भएको हुुनुपर्ने ।
२.कक्षा ११ को अन्तिम परिक्षाको प्रमाणपत्रको प्रतिलिपी बुझाउनुपर्ने ।
३.शैक्षिक तथा पारिवारिक विवरण सहितको फारम बुझाउनु पर्ने ।
४.कक्षा ११ देखि हालसम्मकै हाजिरी कम्तीमा ८० प्रतिशत हुनुपर्ने ।
५.व्यक्तिगत आचरण तथा अनुशासन कायम गरिएको हुनुपर्ने ।
६.छात्रवृत्तिका लागि अन्तर्वार्ता कक्षा १२ को प्रथम त्रैमासिक परिक्षाको नतिजा पश्चात हुनेछ ।
७.छात्रवृत्तिका लागि प्रत्येक आन्तरिक परिक्षा उत्तिर्ण गरेको हुनुपर्ने छ ।