१६ श्रावण २०८१, बुधबार १४:४८
धनगढी । श्री एयरलाईन्सको जहाजभित्र एयर होस्टेजलाई दुर्व्यवहार गरेको आरोपमा धनगढी विमानस्थलबाट पक्राउ परेका गोदावरी नगरपालिका–१ का शिवराज ओझा नाबालक रहेको खुलेको छ ।
जिल्ला प्रहरी कार्यालय कैलालीका मुद्दा शाखाका प्रहरी निरीक्षक उपेन्द्र बमले एयर होस्टेजलाई जिस्काएको भन्दै पक्राउ परेका ओझा १७ वर्षका मात्रै रहेका बताए । उनले प्रहरीलाई दिएको प्रारम्भिक बयानमा जिस्काउने मन लागेकाले जिस्काएको प्रतिक्रिया दिएका छन् । प्रहरी निरिक्षक बमका अनुसार उनले दुर्व्यवहार र जिस्काउने कुनै कारण बताएनन् । प्रारम्भिक सोधपुछका क्रममा मन लाग्यो जिस्काइदिए मात्र भनेका प्रहरी निरीक्षक बमले बताए । ओझालाई जिल्ला प्रहरी कार्यालय कैलालीमा राखिएको छ ।
प्रतिकृया दिनुहोस्