२४ फाल्गुन २०८१, शनिबार १०:०८
धनगढी: सुदूरपश्चिम प्रदेशका मुख्यमन्त्री कमलबहादुर शाहले चालु आर्थिक वर्षका लागि बाध्य भएर आफूले ३१ अर्ब ६० करोडको बजेट बनाएको बताएका छन् । ‘समृद्ध सुदूरपश्चिम प्रदेश निर्माणमा प्रदेश सभाका सदस्यको भूमिका’ विषयक बिहीबारदेखि सुरु भएको अन्तरक्रिया कार्यक्रमलाई शुव्रmबार समापन गर्दैउनले असारमै यो बजेट आफ्नो जिम्मेवारीमा आएको भए २८ अर्बभन्दा माथि जान दिने थिएन तर बाध्य भएर ३१ अर्ब ६० करोडको बजेट बनाएको बताएका हुन् ।
चालु आवमा प्रदेश सरकारले दुई चोटि बजेट प्रदेश सभामा प्रस्तुत गरेको थियो । तत्कालीन मुख्यमन्त्री दीर्घबहादुर सोडारी नेतृत्वको सरकारले असार १ गते प्रस्तुत गरेको बजेट सरकार अल्मपतमा परेका कारण पारित हुन सकेन । सोडारी नेतृत्वको सरकार विघटनपछि शाहको नेतृत्वमा गठित सरकारले प्रदेशका लागि असोजमा दोस्रो बजेट ल्याएको थियो । कार्यक्रममा मुख्यमन्त्री शाहले बजेटमाथि भएका संवाद, विवादको समाधानबारे सामूहिक छलफल गर्न आवश्यक रहेको बताउँदै चालु आवको बजेटमा प्रदेश सरकारले केही सुधारको प्रयास गरेको बताए ।
प्रदेश सरकारको सैद्धान्तिक, कानुनी र व्यावहारिक पाटोहरू रहेको भन्दै मुख्यमन्त्री शाहले यी तिनै तहविच तादात्म्य कहाँनिर हुन सक्छ भनी विषयमा छलफल गर्न आवश्यक रहेको औँल्याए । उनले भने, “हाम्रा धेरै व्यावहारिक पाटा छन् । ऐन, नियम, कानुनका धेरै समस्या, उल्झन छन् । सैद्धान्तिक आधारका धेरै कुरा छन् । फरक फरक विचारधारा र सैद्धान्तिक आधार भए पनि हामी दलहरूबिच एउटै आधार खडा गरेर अगाडि बढ्नुपर्ने परिस्थिति छ ।”
प्रतिकृया दिनुहोस्