सृजनशिल महोत्सवमा आइतबार हिमाल सागर लगायत विभिन्न कलाकारको प्रस्तुति रहने

---

अत्तरियामा पुस ९ गतेदेखि सुरु भएको ‘सृजनशील गोदावरी सांस्कृतिक महोत्सव २०८२’ मा भोलि आइतबार राष्ट्रिय गायक हिमाल सागरको प्रस्तुति रहने जनाइएको छ । उनिसंगै भुमिका गिरि,लक्ष्मी साउद,र नरेन्द्रराज रेग्मी लगायतका कलाकारहरुको समेत प्रस्तुति रहने छ । महोत्सवले स्थानीय स्तरमा रहेका कलाकारलाई उजागर गर्ने प्रयास समेत गरिरहेको छ । जारी रहेको महोत्सव सुदूरपश्चिमका पहाडी सात जिल्ला जोड्ने स्थान अत्तरियामा संचालित छ।
‘सुदूरपश्चिमको मौलिक परिवेश हाम्रो गौरव र सान, यही हो सृजनशील गोदावरी सांस्कृतिक महोत्सवको पहिचान’ भन्ने नाराका साथ सुरु भएको महोत्सव पुस १९ गतेसम्म सञ्चालन हुने छ। महोत्सवले स्थानीय कला,संस्कृति र प्रतिभाको प्रवर्द्धन गर्नुका साथै अत्तरियाको सांस्कृतिक पहिचानलाई थप उजागर गर्ने अपेक्षा गरिएको छ।