बेहडाबाबा मन्दिरमा महाशिवरात्रीको अवसरमा विशेष मेला तथा पुजन हुने

---

कैलालीको धनगढी उपमहानगरपालिका वडा नं. १६, रामपुरस्थित धार्मिक स्थल श्री बेहडा बाबा मन्दिर मा मिति फागुन ३ गते महाशिवरात्रीको अवसरमा विशेष मेला तथा धार्मिक कार्यक्रम आयोजना गरिने भएको छ।

मन्दिर व्यवस्थापनका अनुसार महाशिवरात्री मेलामा स्वदेश तथा विदेशमा रहनुहुने सम्पूर्ण भक्तजनहरूलाई पूजामा सहभागी भई तिलक–प्रसाद ग्रहण गर्न हार्दिक निमन्त्रणा गरिएको छ।

कार्यक्रमअन्तर्गत बिहान ४:०० बजे मन्दिरका चारै ढोका खोलि पूजा आरम्भ गरिनेछ। बिहान ८:३० बजेदेखि बेलुकी ४:३० बजेसम्म पूर्णाहुति सम्पन्न भई तिलक–प्रसाद वितरण गरिने कार्यक्रम रहेको छ।

त्यसैगरी सोही दिन बेलुकी ४:०० बजे ५१ लाख बत्ती प्रज्वलन गरिनेछ भने बेलुकी ७:०० बजेदेखि चार प्रहरको विशेष पूजा सञ्चालन भइ फागुन ४ गते बिहान ४:०० बजे समापन गरिने मन्दिर व्यवस्थापन समितिले जनाएको छ।

महाशिवरात्रीको पावन अवसरमा ठूलो संख्यामा श्रद्धालु भक्तजनहरूको उपस्थिति रहने अपेक्षा गरिएको छ।