२४ फाल्गुन २०८२, आईतवार २०:४८
धनगढी-२ बैयाबेहडी स्थिति रहेको एलाइन्स इन्टरनेशनल मोडेल स्कुलको २१औँ वार्षिकोत्सव तथा अभिभावक दिवस विविध कार्यक्रमका साथ सम्पन्न भएको छ।आज एक भब्य समारोहको आयोजना गर्दै दिवस मनाइएको हो।
कार्यक्रममा कैलाली नास्ट कलेजका क्याम्पस प्रमुख शिवहरि मुडभरी प्रमुख अतिथि रहेका थिए भने कैलाली जिल्ला प्याब्सनका अध्यक्ष धुर्व बहादुर सिंह विशिष्ट अतिथि रहेका थिए। त्यसैगरी थ्रिस्टार स्कुलका संस्थापक गोपाल शर्मा र डिस्कभरी बोर्डिङ स्कुलका संस्थापक तथा प्रिन्सिपल योगेन्द्र बहादुर सिंह विशिष्ट अतिथिका रूपमा सहभागी भएका थिए।
वार्षिकोत्सवका अवसरमा विद्यार्थीहरूले विभिन्न नाटक, सांस्कृतिक प्रस्तुति तथा अन्य रचनात्मक कार्यक्रम प्रस्तुत गरेका थिए। कार्यक्रममा अभिभावक, समाजसेवी, बौद्धिक व्यक्तित्व तथा विद्यार्थीहरूको उल्लेखनीय उपस्थिति रहेको थियो।अभिभावक दिवसको अवसरमा विद्यालयले पुर्व विद्यार्थीलाई समेत शिक्षामा गुणस्तरीय अंक ल्याइ विद्यालयको नाम उच्च राखेको बन्दै सम्मान गरेको थियो । यस्तै,विद्यालयमा अतुलनीय योगदान दिएको भन्दै केही कर्मचारीलाई पनि सम्मान गरेको थियो ।
कार्यक्रममा बोल्दै एलाइन्स इन्टरनेशनल मोडेल स्कुलका जिम्मेवार व्यक्तिले अभिभावकबाट प्राप्त माया, स्नेह र साथले विद्यालयलाई अझ राम्रो बनाउन प्रेरणा मिलेको बताए। विद्यालयलाई आगामी दिनमा अझ उत्कृष्ट बनाउँदै लैजाने प्रतिबद्धता व्यक्त गर्दै अन्तर्राष्ट्रिय नारी दिवसको समेत शुभकामना दिएका थिए।
त्यसैगरी कैलाली प्याब्सनका अध्यक्ष धुर्व बहादुर सिंहले अभिभावकहरूको उल्लेखनीय उपस्थितिले विद्यालयप्रतिको विश्वास झल्काएको बताउँदै विद्यालयले शैक्षिक क्षेत्रमा अझ राम्रो योगदान दिने विश्वास व्यक्त गरे।
कार्यक्रम विद्यालय सञ्चालक समिति अध्यक्ष गिरीराज ओझाको अध्यक्षतामा सम्पन्न भएको थियो।कार्यक्रमको सन्चालन शिक्षक तथा विद्यार्थीहरुले गरेका थिए ।
प्रतिकृया दिनुहोस्